Home » Դիմակավորված, զենքի նմանվող առարկայով ավազակային հարձակում՝ Կապանում. թալանել են տեղի ամենահայտնի ոսկյա զարդերի խանութներից մեկը

Դիմակավորված, զենքի նմանվող առարկայով ավազակային հարձակում՝ Կապանում. թալանել են տեղի ամենահայտնի ոսկյա զարդերի խանութներից մեկը

Հեղինակ - admin

SHAMSHYAN.com-ի տեղեկություններով՝ Հայաստանի քննչական կոմիտեի Սյունիքի մարզային քննչական վարչության հատկապես կարևոր գործերով ավագ քննիչ Սաֆարյանի որոշմամբ ավազակային հարձակում կատարելու հատկանիշներով հարուցվել է քրեական գործ։ Ինչպես հայտնում է ֆոտոլրագրող Գագիկ Շամշյանը, քրգործը հարուցվել է օգոստոսի 13-ին Կապանի բնակիչ Սյուզաննա Գ-ի ահազանգի փաստով։  Այդ օրը վերջինս ոստիկանություն ահազանգել է, որ ժամը 14։25-ի սահմաններում Կապան քաղաքի Հունան Ավետիսյան փողոցում թիվ 1/Ա հասցեում գործող, իր անվամբ ԱՁ-ի ոսկյա զարդերի խանութ է մտել դիմակավորված անձը և զենքի նմանվող առարկայով խանութից հափշտակել խոշոր չափի ոսկյա զարդեր։  Ահազանգով նշված վայր են ժամանել ոստիկանության Սյունիքի մարզային վարչութան պետ Ալիկ Մամիկոնյանը, Սյունիքի մարզային քննչական վարչության պետ Մարգարյանը և ոստիկանության Կապանի բաժնի պետ Դավթյանը։  Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ հանցագործությունը կատարած անձի ինքնությունը պարզելու, զենքի նմանվող առարկան և նրան հայտնաբերելու ուղղությամբ։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այլ հոդվածներ