Home » Ձեր ինստիտուցիոնալ բարեփոխումների արդյունքում մենք կամաց-կամաց վերածվում ենք փոքրիկ բռնապետության․ Աղվան Վարդանյան

Ձեր ինստիտուցիոնալ բարեփոխումների արդյունքում մենք կամաց-կամաց վերածվում ենք փոքրիկ բռնապետության․ Աղվան Վարդանյան

Հեղինակ - admin

30 տարի ԱԺ-ում լրագրողները ազատ գործելու և աշխատելու հնարավորություն են ունեցել ձեր սիրած կամ չսիրած բոլոր իշխանությունների ժամանակ։ Այսօր դուք սահմանափակել եք նրանց գործունեությունը և պատրաստվում եք էլ ավելի սահմանափակել։ Արդյոք սա չի նշանակում, որ  ձեր սկիզբուքնները և գործը հակասում են միմյանց և երեսպաշտական են։ Այս մասին ԱԺ նիստի ընթացքում ասաց « Հայաստան» խմբակցության պատգամավոր Աղվան Վարդանյանը՝ հարց ուղղելով ԱԺ նախագահի տեղակալի թեկնածու Հակոբ Արշակյանին՝ հաշվի առնելով վերջինիս լրագրողական գործունեությունը։

Պատասխանելով Աղվան Վարդանյանի դիտարկմանը՝ Արշակյանը նշեց․«Այն փոփոխությունները, որոնք  այժմ կատարվում են լրագրողների աշխատանքի հետ կապված,  ոչ թե սահմանափակումների գործողություններ են,  այլ ինստիտուցիոնալ վերափոխումների գործողություններ։ Մեզանից յուրաքանչյուրը միշտ ազատ է լինելու շփվել լրագրողների հետ։ Ես այդ գործողությունները չէի համարի սահմանափակում»։

Արձագանքելով Արշակյանի ելույթին՝ Վարդանյան ասաց, որ իրեն հետաքրքիր է՝ արդյոք բոլոր ինստիտուցիոնալ բարեփոխումները նույն հետևա՞նքն են ունալու և արդյոք այս փոփոխությունները նախաձեռնելիս քննարկում ունեցել են լրագրողների հետ։

Անդրադառնալով նաև Ռուբեն Ռուբինյանի ելույթին՝ Վարդանյանը նշեց․ «Այդ երիտասարդ թեկնածուն ասաց, որ ինքը հետազոտել է Թուրքիայում հասարակական կազմակերպությունների դերը ժողովրդավարության գործընթացում։ Թուրքիան կարծեմ ժողովրդավարական երկիր չի դարձել, եթե չփորձեք հակառակն ապացուցել։  ՀՀ ում որոշ ՀԿ-ների գործունեության և ձեր ինստիտուցիոնալ բարեփոխումների արդյունքում մենք կամաց -կամաց վերածվում ենք փոքրիկ բռնապետության։

Վարդանյանի դիտարկամանը Արշակյանը արձագանքեց՝ նշելով․

«Ես մարդկանց գործունեությունից դատելով եմ  որակումներ տալիս, այլ ոչ թե տարիքից ելնելով։ Ես կարծում են, որ ի դեմս Ռուբեն Ռուբինյանի, մենք ունենք  հասուն քաղաքական գործիչ։ 

Կխնդրեմ որակումները անենք ըստ բովանդակության, այլ ոչ թե ըստ տարիքի։ Ինչ վերաբերում է ժողովրդավարական գործընթացներին՝ միջազգային հանրությունը  տվել է գնահատական թե՛ ընտրություններին և թե՛ ինստիտուցիոնալ բարեփոխումներին, և այդ գնահատականներում ես երբևէ չեմ տեսել մի գնահատական, որը աղերս կունենա ձեր ներկայացրած պատկերացումների հետ»։

Այլ հոդվածներ